Aftab-e-Daagh

Description

علامہ اقبال جیسی شخصیت نے داغ ؔکو جہاں آباد کا آخری شاعر قرار دیا۔ زبان کی سلاست اور روز مرّہ و محاورہ کی برجستگی سے بہرہ اندوز ہونے کے لیے آج بھی کلامِ داغ بڑی اہمیت کا حامل ہے، تاہم داغ کے دو اوین مطبوعہ ہونے کے باوجود، عملاً اب قارئین کی دسترس میں نہیں رہے۔ مزیدبرآں، ان دواوین کے متن کی تحقیق و تعین بھی ایک دشوار مرحلہ ہے کیوں کہ داغ خود اپنے کلام میں مسلسل ترمیم کرتے رہتے تھے۔ داغ کے متن پر کچھ اچھے کام ہو چکے ہیں، تاہم ابھی مزید کی ضرورت یقینا باقی ہے۔ ایسا ہی ایک مربوط اور بہتر کام ’’آفتابِ داغ‘‘ کی صورت شائع ہوا ہے۔جناب اشرف جاوید نے، جو خود ایک مشّاق اور معروف شاعر ہیں، انہوں نے داغؔ کے دیوانِ اوّل ’’آفتابِ داغ‘‘ کی تدوین کی ہے۔